କୋଟପାଡ ରେ ତିନି ଜଣ ପୁଅ ନିଖୋଜ – ଭାନସୁଲି ଗାଁରେ ଉତ୍ତେଜନା

କୋରାପୁଟ , ୬/୧୧, କୋରାପୁଟ ଜିଲ୍ଲାର କୋଟପାଡ ଥାନା ସୀମା ଅନ୍ତର୍ଗତ ଭାନସୁଲି ଗାଁରେ ତିନି ଜଣ ପୁଅ ନିଖୋଜ ହେବା ପରେ ସ୍ଥାନୀୟ ଲୋକମାନେ ଚିନ୍ତା ପ୍ରକାଶ କରୁଛନ୍ତି।
ସୂଚନା ଅନୁଯାୟୀ, ଭାନସୁଲି ଗାଁର ଅମୀର ହରିଜନ, ଦିବାକର ମାଝୀ (ଦୀନବନ୍ଧୁ) ଏବଂ ହରଣ ଯାତ୍ରୀ ନାମକ ତିନି ଜଣ ନାବାଳକ ଗୁରୁବାର ଅପରାହ୍ନ ପ୍ରାୟ ୨ଟା ସମୟରେ ଘରୁ ବାହାରକୁ ଯାଇ ଫେରି ନଥିଲେ। ପରିବାର ସଦସ୍ୟ ଏବଂ ଗ୍ରାମବାସୀ ଆଖପାଖ ଅଞ୍ଚଳରେ ଖୋଜାଖୋଜି କରିଥିଲେ ମଧ୍ୟ ସେମାନଙ୍କର କୌଣସି ସନ୍ଧାନ ପାଇ ନଥିଲେ।
ଅଭିଭାବକମାନେ ତୁରନ୍ତ କୋଟପାଡ ଥାନାରେ ଅଭିଯୋଗ କରିଥିଲେ, ଏବଂ ପୋଲିସ ଏକ ମାମଲା ରୁଜୁ କରି ପୁଅମାନଙ୍କୁ ଖୋଜିବା ଆରମ୍ଭ କରିଥିଲା। ଏହି ଘଟଣା ଗାଁରେ ଉତ୍ତେଜନା ବ୍ୟାପି ଯାଇଥିଲା।
ପୋଲିସ, ସ୍ଥାନୀୟ ଲୋକ ଏବଂ ସ୍ୱେଚ୍ଛାସେବକମାନେ ମିଳିତ ଭାବରେ ଏକ ସନ୍ଧାନ ଅଭିଯାନ ଆରମ୍ଭ କରିଥିଲେ। ପରିବାର ସଦସ୍ୟମାନେ ଏହି ତିନି ପୁଅଙ୍କ ବିଷୟରେ ସୂଚନା ଥିବା ଯେକୌଣସି ବ୍ୟକ୍ତିଙ୍କୁ ତୁରନ୍ତ 9861794154 କିମ୍ବା 9937156503 ନମ୍ବରରେ ଯୋଗାଯୋଗ କରିବାକୁ ଅନୁରୋଧ କରିଛନ୍ତି। କୋଟାପାଡ ପୋଲିସ ଏହି ମାମଲାକୁ ସର୍ବାଧିକ ପ୍ରାଥମିକତା ସହିତ ନେଉଛି ଏବଂ ତଦନ୍ତ ଜାରି ରଖିଛି।