ଜୟପୁର, ୫।୧୨, ଜୟପୁର ଏଚ୍ ଡି ଏଫ୍ ସି ବ୍ୟାଙ୍କ ତରଫରୁ ଗତକାଲି ଏକ ସ୍ୱେଚ୍ଛାକୃତ ରକ୍ତଦାନ ଶିବିର ସଫଳତାର ସହ ଆୟୋଜନ କରାଯାଇଛି। ସାଧାରଣ ଲୋକଙ୍କ ସହ ଉତ୍ତମ ସମ୍ପର୍କ ସ୍ଥାପନ ଏବଂ ରକ୍ତ କେନ୍ଦ୍ରରେ ରକ୍ତର ଅଭାବ ଦୂର କରିବା ଲକ୍ଷ୍ୟରେ ବ୍ୟାଙ୍କ ପକ୍ଷରୁ ଏହି ମହତ୍ କାର୍ଯ୍ୟକ୍ରମ ହାତକୁ ନିଆଯାଇଥିଲା।
ଉଦଘାଟନୀ ଓ ସଂଗ୍ରହ:
ଏହି ଶିବିରକୁ ଜୟପୁର ତହସିଲଦାର ଶ୍ରୀ ସବ୍ୟସାଚୀ ଜେନା ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ। ବ୍ୟାଙ୍କ ମ୍ୟାନେଜର ଶ୍ରୀ ସୌମେନ୍ଦ୍ର ଛୋଟରାୟଙ୍କ ନେତୃତ୍ୱରେ ଆୟୋଜିତ ଏହି ଶିବିରରେ ସମୁଦାୟ ୨୭ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା।
ବାର୍ଷିକ ପରମ୍ପରା:
ବ୍ୟାଙ୍କ ମ୍ୟାନେଜର ଶ୍ରୀ ଛୋଟରାୟ ସୂଚନା ଦେଇଛନ୍ତି ଯେ ସାରା ଭାରତବର୍ଷରେ ପ୍ରତ୍ୟେକ ବର୍ଷ ଡିସେମ୍ବର ମାସର ପ୍ରଥମ ଶୁକ୍ରବାର ଦିନ ଏଚ୍ ଡି ଏଫ୍ ସି ବ୍ୟାଙ୍କ ଦ୍ୱାରା ଦୀର୍ଘ ୧୭ ବର୍ଷ ଧରି ଏପରି ରକ୍ତଦାନ ଶିବିର ଅନୁଷ୍ଠିତ ହୋଇଆସୁଛି।
ପରିଚାଳନା ଓ ସମ୍ବର୍ଦ୍ଧନା:
ଏହି ଶିବିର ପରିଚାଳନାରେ ରକ୍ତଦାତା ପ୍ରବର୍ତ୍ତକ ଶ୍ରୀ ପ୍ରମୋଦ କୁମାର ରାଉଳ, ରକ୍ତ ଭଣ୍ଡାର ଡାକ୍ତର ଶ୍ରୀ ରିତିକ୍ ପାଢ଼ୀ, ଟେକ୍ନିସିଆନ୍ ଶ୍ରୀ ଲକ୍ଷ୍ମୀକାନ୍ତ ଗାଇନ୍, ଶ୍ରୀମତୀ ପ୍ରଭାତୀ ପାଢ଼ୀ ଏବଂ ଶ୍ରୀ ଅମର ମହୁରିଆ ପ୍ରମୁଖ ସହଯୋଗ କରିଥିଲେ।
ବ୍ୟାଙ୍କ ପକ୍ଷରୁ ସମସ୍ତ ରକ୍ତଦାତାଙ୍କୁ ମାନପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ଶିବିରକୁ ସଫଳ କରିବାରେ ବ୍ୟାଙ୍କ ଷ୍ଟାଫ୍ ମାନଙ୍କ ମଧ୍ୟରେ ଶାନ୍ତନୁ ବେହେରା, ସୁଚିସ୍ମିତା ନନ୍ଦ, ଜିତେନ୍ଦ୍ର ପାଢ଼ୀ, ଲକ୍ଷ୍ମୀପ୍ରିୟା ବିସୋଇ, ସୁଭାଙ୍ଗୀ ବିଶ୍ଵାଳ, ସରିତା ବେହେରା, ମନୀଷା ତ୍ରିପାଠୀ, ରାଜେନ୍ଦ୍ର ନାୟକ ପ୍ରମୁଖ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ।
