ବୈପାରିଗୁଡ଼ାରେ ବାଇକ୍ ଚୋରି ଘଟଣା ଉପରେ ଚର୍ଚ୍ଚା — ସିସିଟିଭିରେ ଧରାପଡ଼ିଲା ଚୋର

କୋରାପୁଟ , ୩୧/୧୦, କୋରାପୁଟ ଜିଲ୍ଲାର ବୈପାରିଗୁଡ଼ା ବ୍ଲକ ଅଞ୍ଚଳରେ ଏକ ପରେ ଏକ ବାଇକ୍ ଚୋରି ଘଟଣା ଘଟିବାରୁ ସ୍ଥାନୀୟମାନଙ୍କ ମଧ୍ୟରେ ଆତଙ୍କ ପ୍ରସ୍ତୁତ ହୋଇଛି। କେବଳ ୧୩ ଦିନ ମଧ୍ୟରେ ତିନୋଟି ବାଇକ୍ ଚୋରି ଘଟଣା ଥାନାରେ ଅଭିଯୋଗ ରୂପେ ରେକର୍ଡ ହୋଇଛି। ତଦନ୍ତ ସମୟରେ ସିସିଟିଭି ଫୁଟେଜରେ ଚୋରଙ୍କ ଚାଳ ଧରାପଡ଼ିଥିବା ଖବର ମିଳିଛି।
ଯାତ୍ରାସ୍ଥଳରୁ ବାଇକ୍ ଚୋରି:
ମାଠପଡ଼ା ପଞ୍ଚାୟତର ବଡ଼ ଅଣ୍ଡରି ଗ୍ରାମର ରାଜେନ୍ଦ୍ର ଗାଦବା ଗତ ୧୭ ତାରିଖ ରାତିରେ ଟିପାଗୁଡା ଗ୍ରାମରେ ହେଉଥିବା ଯାତ୍ରା ଦେଖିବାକୁ ଗଲେ। ଯାତ୍ରା ସମୟରେ ସେ ନିଜ ବାଇକ୍ ସ୍ଥାନୀୟ ହାଟପଡ଼ାରେ ରଖିଥିଲେ। କିନ୍ତୁ ଯାତ୍ରା ସରିଲାପରେ ବାଇକ୍ ନଥିବା ଦେଖି ସେ ଆଖପାଖ ଖୋଜାଖୋଜି କଲେ, କିନ୍ତୁ ବାଇକ୍ ନ ମିଳିବାରୁ ରାମଗିରି ଫାଣ୍ଡିରେ ଅଭିଯୋଗ ଦାଖଲ କଲେ।
ଘର ପଛରୁ ମଧ୍ୟ ଉଠିଲା ବାଇକ୍:
୨୪ ତାରିଖ ରାତିରେ ରାମଗିରି ଗ୍ରାମର କୃଷ୍ଣଚନ୍ଦ୍ର ମହାପାତ୍ର ଖାଇବା ପରେ ଘର ପଛେ ବାଇକ୍ ରଖି ଶୋଇଥିଲେ। ସକାଳେ ଉଠିବା ସମୟରେ ବାଇକ୍ ନଥିବା ଦେଖି ସେ ମଧ୍ୟ ରାମଗିରି ଫାଣ୍ଡିରେ ଚୋରି ଅଭିଯୋଗ କଲେ।
ଭଡ଼ା ଘର ଆଗରୁ ବାଇକ୍ ଚୋରି:
ଦଶମନ୍ତପୁର ପଞ୍ଚାୟତର ପଟ୍ରୋଗୁଡା ଗ୍ରାମର ସାଗର ବାରିକ, ଯିଏ ବୈପାରିଗୁଡ଼ାରେ ଭଡ଼ାରେ ରହି କାମ କରୁଛନ୍ତି, ତାଙ୍କ ବାଇକ୍ ମଧ୍ୟ ଚୋରି ହୋଇଛି। ସେ ୨୭ ତାରିଖ ଦିନ ଘରରେ ରଙ୍ଗ କାମ ପାଇଁ ବାହାର ଗାଁକୁ ଯାଇଥିଲେ ଏବଂ ୨୯ ତାରିଖ ଫେରିଲାପରେ ନିଜ ଭଡ଼ା ଘର ଆଗରୁ ବାଇକ୍ ନଥିବା ଦେଖି ଥାନାରେ ଏତଲା ଦେଲେ।
ସିସିଟିଭି ଫୁଟେଜରେ ଧରା ଚୋର:
ଏହି ସମସ୍ତ ଘଟଣା ସିସିଟିଭି କ୍ୟାମେରାରେ କଏଦ ହୋଇଛି। ଚୋର ମୁହଁ ଢାକି ବାଇକ୍ ଚାଳାଇ ନେଉଥିବା ଫୁଟେଜ ପୁଲିସ ହାତକୁ ଆସିଛି। ବୈପାରିଗୁଡ଼ା ପୁଲିସ ସେହି ଫୁଟେଜ ଯାଞ୍ଚ କରି ତଦନ୍ତ ଆରମ୍ଭ କରିଛି।
ପୁଲିସ ଆଲର୍ଟ — ଲୋକମାନଙ୍କ ମଧ୍ୟରେ ଚେତାବନୀ:ଅଞ୍ଚଳରେ ବାଇକ୍ ଚୋର ଗ୍ୟାଙ୍ଗ ସକ୍ରିୟ ହୋଇଥିବା ସନ୍ଦେହ ରହିଛି। ପୁଲିସ ପେଟ୍ରୋଲିଂ ବଢ଼ାଇ ଦେଇଛି ଏବଂ ସାଧାରଣଙ୍କୁ ରାତିରେ ସତର୍କ ରହିବାକୁ ଓ ବାଇକ୍ ସୁରକ୍ଷିତ ସ୍ଥାନରେ ରଖିବାକୁ ଆହ୍ୱାନ କରିଛି।
ସ୍ଥାନୀୟ ଲୋକମାନେ ଚୋରମାନଙ୍କୁ ଶୀଘ୍ର ଗିରଫ କରିବା ପାଇଁ ପୁଲିସ ଉପରେ ଚାପ ସୃଷ୍ଟି କରୁଛନ୍ତି।