ଶିକ୍ଷାନୁଷ୍ଠାନରେ ବୈଠକ ନେଇ ବିଜେଡିର ଫେରାଦ — ବିଜେପି ଉପରେ ନିର୍ବାଚନ ଆଚରଣବିଧି ଉଲ୍ଲଂଘନ ଅଭିଯୋଗ

କୋରାପୁଟ, ୨୧ /୧୦ , କୋରାପୁଟ ଜିଲ୍ଲାରେ ନିର୍ବାଚନ ଆଚରଣବିଧି ଜାରି ଥିବା ସମୟରେ ଶିକ୍ଷାନୁଷ୍ଠାନ ପରିସର ମଧ୍ୟରେ ବିଜେପି ନେତା ଓ କର୍ମୀମାନେ ବୈଠକ କରିଥିବା ଅଭିଯୋଗ ଉଠିଛି। ଏହାକୁ ନେଇ ବିଜୁ ଜନତା ଦଳ (ବିଜେଡି) ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ଲିଖିତ ଫେରାଦ କରିଛି।
ବିଜେଡି ପକ୍ଷରୁ ଦାବି କରାଯାଇଛି ଯେ, ଶିକ୍ଷା ସଂସ୍ଥାନ ଗୁଡ଼ିକ ରାଜନୈତିକ କାର୍ଯ୍ୟକଳାପ ପାଇଁ ବ୍ୟବହୃତ ହେବା ଆଚରଣବିଧି ଅନୁସାରେ ସଂପୂର୍ଣ୍ଣ ଅବୈଧ। ତଥାପି, ବିଜେପି ନେତାମାନେ ସେହି ନିୟମକୁ ଉଲ୍ଲଂଘନ କରି ଶିକ୍ଷାନୁଷ୍ଠାନ ମଧ୍ୟରେ ପାର୍ଟି ବୈଠକ ଆୟୋଜନ କରି ନିର୍ବାଚନୀ ଆଚରଣବିଧିକୁ ଭଙ୍ଗ କରିଛନ୍ତି।
ଏହି ଘଟଣା ପ୍ରତି ସଂପୂର୍ଣ୍ଣ ତଦନ୍ତ କରି ଦୋଷୀଙ୍କ ଉପରେ କଠୋର ପଦକ୍ଷେପ ଗ୍ରହଣ କରିବା ପାଇଁ ବିଜେଡି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଅନୁରୋଧ କରିଛି।
ସେପଟେ, ଏହି ଫେରାଦ ଉପରେ ନିର୍ବାଚନ ଅଧିକାରୀ ମଣ୍ଡଳୀ ତଦନ୍ତ ଆରମ୍ଭ କରିବେ ବୋଲି ସୂତ୍ର ଜଣାଇଛି। ଏହି ଘଟଣାକୁ ନେଇ ଦୁଇ ଦଳର ମଧ୍ୟରେ ରାଜନୈତିକ ତିକ୍ତତା ବଢ଼ି ଯାଇଛି।