ଲକ୍ଷ୍ମୀପୁରରେ ଜିଲ୍ଲାପାଳଙ୍କ ଯୁଗ୍ମ ଅଭିଯୋଗ ଶୁଣାଣି ଶିବିର: ୭୯ଟି ଅଭିଯୋଗର ଶୁଣାଣି
ଲକ୍ଷ୍ମୀପୁର : କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ ପରିସରରେ ଜିଲ୍ଲା ପ୍ରଶାସନ ପକ୍ଷରୁ ଏକ ଯୁଗ୍ମ ଅଭିଯୋଗ ଶୁଣାଣି କାର୍ଯ୍ୟକ୍ରମ ସୋମବାର ଅନୁଷ୍ଠିତ ହୋଇଯାଇଛି। ଏହି ଶିବିରରେ କୋରାପୁଟ ଜିଲ୍ଲାପାଳ ମନୋଜ ସତ୍ୟୱାନ ମହାଜନ ମୁଖ୍ୟ ଅତିଥି ଭାବେ ଯୋଗ ଦେଇ ସାଧାରଣ ଜନତାଙ୍କ ବିଭିନ୍ନ ସମସ୍ୟାର ସିଧାସଳଖ ଶୁଣାଣି କରିଥିଲେ।ଉପସ୍ଥିତ ପଦାଧିକାରୀ:ଜିଲ୍ଲାପାଳଙ୍କ ସମେତ ଏହି କାର୍ଯ୍ୟକ୍ରମରେ ଜିଲ୍ଲା ଆରକ୍ଷୀ ଅଧୀକ୍ଷକ (SP) ରୋହିତ ବର୍ମା, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ତଥା ଜିଲ୍ଲା ପରିଷଦ ନିର୍ବାହୀ ଅଧିକାରୀ ବେଣୁଧର ଶବର, କୋରାପୁଟ ଉପ-ଜିଲ୍ଲାପାଳ ପ୍ରେମ ଲାଲ୍ ହିଆଲ ଏବଂ ଏଡିପିଏଚଇଓ (ADPHO) ଡାକ୍ତର ସାଇ ସ୍ୱରୂପ ପ୍ରମୁଖ ଉପସ୍ଥିତ ରହି ଜନସାଧାରଣଙ୍କ ସମସ୍ୟା ଗୁଡ଼ିକର ଅନୁଧ୍ୟାନ କରିଥିଲେ।ଅଭିଯୋଗ ସମ୍ପର୍କିତ ସୂଚନା:ଏହି ଅଭିଯୋଗ ଶୁଣାଣି ଶିବିରରେ ମୋଟ ୭୯ଟି ଆବେଦନ ପତ୍ର ଗ୍ରହଣ କରାଯାଇଥିଲା। ସେଥିମଧ୍ୟରୁ:ସାମୂହିକ ଅଭିଯୋଗ: ୩୮ଟି (ଗ୍ରାମର ଉନ୍ନୟନମୂଳକ କାର୍ଯ୍ୟ, ରାସ୍ତାଘାଟ ଓ ଜଳ ସମସ୍ୟା ଭଳି ବିଭିନ୍ନ ଗୋଷ୍ଠୀଗତ ସମସ୍ୟା)ବ୍ୟକ୍ତିଗତ ଅଭିଯୋଗ: ୪୧ଟି (ଆବାସ ଯୋଜନା, ଭତ୍ତା ଏବଂ ଜମିବାଡ଼ି ସମ୍ପର୍କିତ ମାମଲା)ଏହି କାର୍ଯ୍ୟକ୍ରମକୁ ଲକ୍ଷ୍ମୀପୁର ବିଡ଼ିଓ ସବ୍ୟସାଚୀ ବେହେରା ପରିଚାଳନା କରିଥିଲେ। ଏଥିରେ ବ୍ଲକ ସ୍ତରୀୟ ଏବଂ ଜିଲ୍ଲା ସ୍ତରୀୟ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ରହି ସମସ୍ୟା ଗୁଡ଼ିକର ତୁରନ୍ତ ସମାଧାନ ପାଇଁ ବିହିତ ପଦକ୍ଷେପ ଗ୍ରହଣ କରିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ସ୍ଥାନୀୟ ଜନସାଧାରଣ ନିଜ ଅଞ୍ଚଳରେ ଜିଲ୍ଲାପାଳ ଓ ଏସପିଙ୍କୁ ପାଇ ନିଜର ଦୀର୍ଘ ଦିନର ଅସୁବିଧା ଜଣାଇବାର ସୁଯୋଗ ପାଇଥିଲେ।
