ଉଭୟ ସହର ଓ ଗାଁକୁ ଶୋଷଣ କରୁଛି ବିଜେପି ସରକାର: ଜୟପୁର ଟାଉନ୍ କଂଗ୍ରେସ ସଭାପତି
ଜୟପୁର, ୨୮ /୦୧ : ବିଜେପି ସରକାର ନିଜର ଶାସନ କ୍ଷମତା ଜାହିର କରିବା ପାଇଁ ଗ୍ରାମାଞ୍ଚଳ ଓ ସହରାଞ୍ଚଳର ଜନସାଧାରଣଙ୍କୁ ବିଭିନ୍ନ ଉପାୟରେ ଶୋଷଣ କରୁଛି ବୋଲି ଜୟପୁର ଟାଉନ୍ କଂଗ୍ରେସ ସଭାପତି ନରେନ୍ଦ୍ର ମହାନ୍ତି କଡ଼ା ସମାଲୋଚନା କରିଛନ୍ତି। ସରକାରଙ୍କ ଜନବିରୋଧୀ ନୀତି ଯୋଗୁଁ ଆଜି ଚାଷୀ ଓ ସାଧାରଣ ଜନତା ଦୁର୍ଦ୍ଦଶାର ସମ୍ମୁଖୀନ ହେଉଥିବା ସେ ଅଭିଯୋଗ କରିଛନ୍ତି।ସରକାରଙ୍କୁ ନରେନ୍ଦ୍ର ମହାନ୍ତିଙ୍କ ତୀବ୍ର ସମାଲୋଚନାନବନିର୍ମାଣ କୃଷକ ସଂଗଠନ ପକ୍ଷରୁ ଆୟୋଜିତ ବନ୍ଦ ଓ ପ୍ରତିବାଦ ସଭାରେ ସାମିଲ ହୋଇ ଶ୍ରୀ ମହାନ୍ତି କହିଛନ୍ତି ଯେ, ବିଜେପି ସରକାରଙ୍କ ଭୁଲ୍ ନୀତି ଯୋଗୁଁ ଚାଷୀମାନେ ନିଜ ଫସଲର ଉଚିତ ମୂଲ୍ୟ ପାଉନାହାନ୍ତି। ଅନ୍ୟପଟେ ସାର ଓ ବିହନର ଆକାଶଛୁଆଁ ଦରବୃଦ୍ଧି ଚାଷୀଙ୍କ ଅଣ୍ଟା ଭାଙ୍ଗି ଦେଇଛି। ସହରାଞ୍ଚଳରେ ଲୋକଙ୍କ ଉପରେ ଟିକସ ବୋଝ ଲଦାଯାଉଥିବା ବେଳେ ଗ୍ରାମାଞ୍ଚଳରେ ମୌଳିକ ସୁବିଧା ଯୋଗାଇବାରେ ସରକାର ସମ୍ପୂର୍ଣ୍ଣ ବିଫଳ ହୋଇଛନ୍ତି।ଚାଷୀଙ୍କ ସହ ଠିଆ ହେବ କଂଗ୍ରେସଜୟପୁର ନଗର କଂଗ୍ରେସ ପକ୍ଷରୁ କୃଷକଙ୍କ ପ୍ରତ୍ୟେକ ନ୍ୟାର୍ଯ୍ୟ ଦାବିକୁ ପୂର୍ଣ୍ଣ ସମର୍ଥନ ଜଣାଯାଇଛି। ସାରା ରାଜ୍ୟରେ ଚାଷୀଙ୍କ ଅଧିକାର ପାଇଁ ହେଉଥିବା ଲଢ଼େଇରେ କଂଗ୍ରେସ ସେମାନଙ୍କ ସହ ସ୍ୱର ମିଳାଇବ ବୋଲି ଶ୍ରୀ ମହାନ୍ତି ସ୍ପଷ୍ଟ କରିଛନ୍ତି।ଆନ୍ଦୋଳନ ତୀବ୍ର ହେବାର ଚେତାବନୀଯଦି ସରକାର ତୁରନ୍ତ ଏହି ଶୋଷଣ ନୀତି ବନ୍ଦ ନକରନ୍ତି, ତେବେ ଆଗାମୀ ଦିନରେ କଂଗ୍ରେସ ପକ୍ଷରୁ ଆନ୍ଦୋଳନକୁ ଆହୁରି ବ୍ୟାପକ ଓ ତୀବ୍ର କରାଯିବ ବୋଲି ସେ ଚେତାବନୀ ଦେଇଛନ୍ତି। ଏହି କାର୍ଯ୍ୟକ୍ରମରେ ଜୟପୁର କଂଗ୍ରେସର ବହୁ ବରିଷ୍ଠ ନେତା, କର୍ମୀ ଏବଂ ଶତାଧିକ ଚାଷୀ ଉପସ୍ଥିତ ରହି ସରକାରଙ୍କ ବିରୋଧରେ ଗର୍ଜନ କରିଥିଲେ।
